6 أبريل موعد انطلاق مسابقة Battle Of The Wheelsl في مصر

تعقد شركة كالت بالشراكة مع مجموعة قنوات cbc مؤتمرًا صحفيًا في السابعة من مساء السبت المقبل بنادي السيارات في وسط القاهرة، للكشف عن التفاصيل الكاملة عن المسابقة الأهم للسيارات في مصر خلال الأعوام المقبلة Battle Of The Wheels.

رامي سري - احد أشهر المتسابقين في مصر، ومنظم وصاحب فكرة المسابقة يقول: تتضمن مسابقة Battle Of The Wheels 3 أنواع من تجارب الأداء..

Time TrialSpeed يوم 6 أبريل: هو سباق سرعة عادي جدًا، فيه المتنافس بيسابق الزمن.

Gymkhana يوم 7 أبريل: هو سباق فيه السواق بيتحدى قدراته في إنه يناور من حوالين أو جنب أو تحت الحواجز المختلفة عن طريق إنهم يحسبوا بمخهم ازاي ياخدوا الملفات المختلفة ويناوروا من الحواجز المختلفة ومعاهم فرامل اليد ودواسة البنزين بس، النوع ده بيفكرنا بسباقات Autocross مصر، اللي منها خرجت أهم أجيال في رياضة السيارات في مصر.Drifting يوم 8 أبريل: هو سباق فيه كل واحد مفروض بيعدي حوالين حواجز مختلفة وبزوايا قوية جدًا، ويسيطر على عربية في لحظة العربية فيها خارجة عن السيطرة. حساب النقط هيكون عن طريق إن كل ما كانت زاوية الدريفت أكبر كل ما النقط هتبقى أكتر وكل ما العربية هتبقى أقرب للحواجز من غير ماتخبطها، هتبقى النقط أعلى. هيبقى في كمان حاجات متعلّقة حوالين التراك مفروض تخبطها بضهر أو وش العربية عgشان تاخد نقط أكتر ولو عجل العربية بيطلع دخان أكتر (ده معناه إن الشخص دايس بنزين وعارف بيعمل إيه) النقط هتزيد، فبنقولك اعمل حسابك في كذا طقم كاوتشات وأنت جاي.

رامي سري منظم المسابقة قال:"احنا عايزين نطوّر رياضة العربيات في مصر، فبنهتم جدًا بمعايير الأمان والسلامة وبنستخدم أجدد تكنولوجيا وبنلتزم بالمعايير العالمية للرياضة، وعايزين المتسابقين يقدموا على المسابقة وهم ملتزمين بالمعايير الاحترافية، زي إنهم يبقوا لابسين بدلة سباق حقيقية ويكونوا مهتمين بعربياتهم. أنا متحمس جدًا للتجارب دي، وشايف إنها هتجمع أهم الأسامي في مجال رياضة السيارات في مصر".