سلسلة مقارنات السيارات (1) .. معاك لغاية 200 الف جنيه .. حتشتري ايه؟

مقارنة السيارات في ظل المنافسة والتقارب الشديد في الامكانيات والكماليات والسعر ، اصبح من الأمور الصعبة ، فعلى جميع المستويات من الـ100 ألف جنيه ولغاية 7 مليون جنيه.. عندك بدائل كتير ، وغالبا بنفس المواصفات والأداء.. الأسبوع ده حنبدأ في عمل مقارنات بين السيارات.

المقارنة الاولى لغاية 200 ألف جنيه.. يعني بتدّور على عربية آخرها الرقم ده ..200 الف جنيه.

بس تسأل نفسك سؤال مهم ، تركب عربية مليانة كماليات بس صيني ، ولا عربية ليها تاريخ بس فاضية من الكماليات؟

طب تعالى نشوف في الأول ايه العربيات (الأشهر) اللي سعرها ده :

BYD : تجميع محلي من أصل صيني ،أثبتت نفسها في السوق المصري ، اعتمادية واقتصادية ومنتشرة كسيارة أجرة ، سواء تاكسي أو أوبر وكريم ، تكنولوجيا تقريبا منعدمة ، وده سبب مهم للي بيخاف من التوكيل وبيفضل الميكانيكي العادي.

لأسعار ومواصفات BYD F3 اضغط هنا

شيري أريزو 5 :

تجميع محلي من أصل صيني ، دخلت السوق المصري من شهور ، بس وراها اسم كبير جدا "غبور أوتو" ، تسعيرها كان غير متوقع ، الغرض منها استعادة مبيعات الشركة بعد توقف هيونداي فيرنا .. هي البديل لـ"فيرنا" ، خاصة الفئة الثانية "اوتوماتيك" وفيها كماليات كتير

لأسعار ومواصفات شيري أريزو 5 اضغط هنا

شيفروليه أفيو :

تجميع محلي من أصل كوري ، بقالها أكتر من 15 سنة في السوق المصري ، وراها اسم كبير "المنصور للسيارات" سيارة اعتمادية واقتصادية واوتوماتيك.

لأسعار ومواصفات شيفروليه افيو .. اضغط هنا

فيات تيبو :

الفئة الأولى مانيوال" عربية منشأ تركي ، استفادت من الاعفاء الجمركي وسعرها نزل من ايام بس ، شكل وتصميم ممتاز ، استطاعت انها تثبت نفسها في السوق خلال سنة 2019 ، بس الصراحة مش الفئة الأولى ، الفئات الأعلى .

لأسعار ومواصفات فيات تيبو .. اضغط هنا

لادا جرانتا :

تجميع محلي من اصل روسي ، سيارة صغيرة في الحجم ، تفتقر الى الكماليات ، لكنها تعتبر أرخص سيارة اوتوماتيك في مصر.

لأسعار ومواصفات لادا جرانتا .. اضغط هنا

بروتون ساجا :

ماليزي .. بتنزل بفئتين مانيوال واوتوماتيك ، والاثنين أقل من 200 الف جنيه ، العربية ليها تاريخ في مصر وكيلها عز العرب ، والمسؤول عن توزيعها في السوق المحلي "اوتو جروب"

لأسعار ومواصفات وأسعار الصيانة الدورية بروتون ساجا .. اضغط هنا

رينو لوجان :

منشا مغربي ، فيها 4 فئات تحت الـ200 الف جنيه اثنين مانيوال واثنين اوتوماتيك ،لوجان باعت كتير في مصر وبقالها سنين كتير ، هي اللي عملت مبيعات ضخمة لرينو في السنوات الاخيرة

لأسعار ومواصفات وأسعار الصيانة الدورية لرينو لوجان .. اضغط هنا

زوتي Z100 و Z300 :

زوتي نزلت السوق المصري من سنتين ، أشهر موديل T600 ، اشتهر بضخامة الحجم والكماليات ، والكماليات بالذات هي سبب الشهرة اللي اخدنها زوتي في مصر بالسعر اللي اتقدمت بيه 330 الف جنيه.

زوتي Z100 ارخص عربية في مصر حاليا ، حجمها أصغر من كل العربيات المذكورة

لأسعار ومواصفات واسعار الصيانة الدورية لزوتي Z100 .. اضغط هنا

اما زوتي Z300 ، بتنزل بفئتين ، مانيوال وهي موضوعنا النهاردة ، لان الاوتوماتيك أغلى من الـ200 الف جنيه

لأسعار ومواصفات والصيانة الدورية لزوتي Z300 .. اضغط هنا

وعشان تشوف بنفسك كل العربيات اللي سعرها آخره 200 ألف جنيه وتعرف تقارن بينهم ادخل على الرابط التاليوتقدر بنفسك تعمل المقارنات لغاية 5 عربيات .. اختار العربية واضغط مقارنة.