الجيل الثالث من 3008 في مصر .. بيجو عشرة عمر المصريين

مكنش ينفع أكمل كتابة عن تقرير تراخيص نوفمبر وبيجو 3008 حتتقدم بكرة، 1️⃣ لان بيجو هي أول شركة سيارات تأسست في التاريخ (1810م)، وانها عمود خيمة مجموعة "ستيلانتيس" ، دي هي الأساس أصلا لمّا اشترت ستروين وبقت مجموعة PSA، ودخلت على اوبل وبعد كده على فيات كرايسلر.

2️⃣وتاني حاجة ان الموديل اللّي حيتقدم هو 3008 ، الجيل الثالث منه، وبدون مبالغة تقدر تقول انه أهم موديل في مجموعة ستيلانتيس كلها.

👈الجيل الأول (MK1) حقق مبيعات حوالي 700ألف وحدة ، والجيل الثاني (MK2) قعد 7 سنين حقق أكثر من 1.32 مليون وحدة في 130 دولة.

🔥الجيل الثالث (MK3) نازل بنسخ مختلفة كهربا وهايبريد وIce ، وده المستهدف منه تقريبا 2 مليون وحدة مبيعات ، لكن اللي حتتقدم بكرة في مصر هي نسخة البنزين بمحرك 1.6 لتر وناقل حركة اوتوماتيك عادي 6 سرعات.

بيجو هي جوهرة ستيلانتيس ، كل مجموعة بتبقى مصنفة علاماتها درجات ، ودي بتفرق في تطبيق التكنولوجيا والابتكارات ، يعني مثلا مجموعة فولكس فاجن وبعيدا عن الفواخر والسوبر كار ، حتلاقي أودي وبعدها فولكسفاجن وكوبرا وسكودا وسيات ، ومجموعة ستيلانتيس مهتمة ان علامة بيجو تكون في أوائل الموديلات اللّي بتطبق فيها التكنولوجيا الحديثة.

👈احنا في مصر بنحب بيجو، مش انا اوانت، قطاع عريض جدا من المصريين ركبوا بيجو على مدار السنين، لو مش مالك ليها، يبقى ركبها وهو مسافر، محدش مركبش بيجو، يمكن الأجيال الجديدة مشافتش ولا حست بده، لكن اسأل أي شخص اربعيني وانت طالع 🧙‍♂️، حتلاقي ليه ذكرى مع بيجو، والمصريين لمّا يحبوا حاجة يدلعوها ويطلقوا عليها أسماء مختلفة.

لمّا تحب تعمل مقارنة بين بيجو 3008 وعربية تانية، حتلاقي مفيش مقارنة أصلا، من الناحية النظرية ينفع تتقارن بكيا سبورتاج وهيونداي توسان وغيره، لكن عمليا حتلاقيها في حتة لوحدها، اللّي بيركب بيجو 3008 بشكل عام، عايزها بالخصوص، رايح يجيبها هي مش نتيجة لمقارنة عملها.

بالمناسبة.. موديل 3008 هو أكتر موديل من موديلات بيجو الحالية باع في مصر ، في أول 10شهور من 2024 باع حوالي 1000 عربية ومنطقة حرة بس