خلال أيام .. مجموعة غبور نازلة بشيريEQ7 الكهربا الـSUV

خلال أيام معدودات جي بي كورب حتنزل عربية كهربا جديدة، ودي أول كهربا تنزل تحت علامة شيري في مصر، ومفيش أصلا كهربا SUV عند شيري غيرها.

العربية اسمها EQ7 محترمة جدا ، مدى سير الشحنة الواحدة بيوصل لـ512 كيلومتر، يعني قول ع الأقل 475 كيلومتر ع ارض الواقع، وده مدى زمنى كبير في ظل التكنولوجيا الحالية للبطاريات.

شيري اتأخرت كتير في دخول قطاع العربيات الكهربا، ويمكن ده السبب اللي خلالهم حريصين جدا على انتاجEQ7 بجودة ممتازة وامكانيات عالية،  وكمان مساحة داخلية واسعة، العربية طولها 4675مم، منهم 2830 مم لقاعدة العجلات، يعني تقريبا 67.2% معدل استخدام المساحة، يعني اوسع عربية في فئتها، وطبعا مع الاتساع جهزوا العربية بمقاعد رياضية كهربا كلها "دلع" ،تدليك وتدفئة وتهوية مع جلد فاخر.

لو اتكلمنا عن الأداء،بطارية EQ7 من شركة CATL واحدة من أكبر شركات انتاج البطاريات في العالم، يعني جابوا الأفضل ،العربية قوتها 207حصان تقريبا مع عزم دوران 285 نيوتن.متر مع تسارع من 0 إلى 100 كم في 8 ثوان.

وميزة كمان، أنطمة مساعدة السائق المتطورة ADAS من المستوى التاني متوفرة في EQ7 والـADAS ببساطة هو نظام تقني مصمم لزيادة سلامة القيادة، -في لينك في التعليقات فيه كل التفاصيل- ، ده غير هيكل العربية المصنوع بالكامل من الالومنيوم.

العربية بتيجي بشاشة معلومات 12.3 بوصة وشاشة عدادات برضه 12.3 بوصة وجهزة بوسال اتصال وتواصل حديثة، يعني موبايل ماشي بيه
اجمالا شيري EQ7 مليانة تجهيزات وتفاصيل ، وحصلت على جائزة "السيارة الرياضية الذكية الخمس نجوم لعام 2023" في الصين.

بالمناسبة.. شيري معندهاش الا عربيتين كهربا EQ7 و eQ1  وفي واحدة تالتة بس محددة لبعض الاسواق أريزو e ، لكن العربية الصغيرة eQ1 اعتقد لو نزلت بسعر مناسب حتعمل شغل كويس

طب هي حتنزل مصر بسعر كام؟    
نسمع توقعاتكم