اسلام حويلة يكتب :

عربية BMW جديدة في أغسطس .. مفاجأة جلوبال أوتو الجاية

اسلام حويلة والـM4

موديلات BMW كتير جدا ، كل موديل فيهم بينزل بكذا فئة، ده غير باقة الـM والنسخ الكهربا ، جلوبال أوتو بتوفر في السوق المصري 20 موديل بفئات مختلفة ، وده رقم كبير جدا ،صعب تلاقيه عند وكلاء تانيين، مهم جدا ان العلاقة بين الوكيل والشركة الأم تكون متوافقة، يكونوا شركاء بيهدفوا النجاح، مش مجرد تحقيق ارباح وخلاص.

شركة جلوبال أوتو بدأت عملياتها في السوق المصري من سنة ونص تقريبا ، ويبدو ان غياب العلامة في السابق لفترة خلى السوق متعطش بشكل كبير لاستقبال العدد الكبير من الموديلات، وده اللي نجح فيه الوكيل في مصر، مش بس كده رسالته طول الوقت ان علامة BMW مختلفة، ليها وضع خاص، العملاء ليهم اهتمام غير معتاد.

خد بالك انا بتكلم بس عن BMW ، الكلام عن علامة Mini والموديلات اللي بتقدمها جلوبال اوتو حيحتاج مساحة اكبر.

في يوليو جلوبال اوتو قدّمت الفئة الرابعة الجديدة ، ونظمت تجربة قيادة فريدة من نوعها للصحفيين المتخصصين في ميونخ لتجربة موديلات باقة الـM ، وتجربة موديلات الـM Power بقوتها الفائقة.

وخلال الأيام القادمة وقبل نهاية أغسطس حيكون السوق المصري مع موعد جديد مع عربية جديدة من BMW ممكن وصفها بأنّها مفاجأة للسوق.

توقع ايه هي العربية أمر صعب فعلا، خاصة لو عرفت ان في اكتر من 8 او9 موديلات جديدة نازلين تباعا ،بس ايه هي عربية أغسطس فدي وبدون مبالغة محدش عرف يتوقعها.. اومال هي مفاجأة ليه😉

بالمناسبة .. BMW هي ثالث أكبر شركة مصنعة للسيارات الإلكترونية في العالم.. ده كلام الرئيس التنفيذي لـBMW أوليفر زيبسي.. وصورتي من تجربة الـM4 في حلبة سالزبورج 💪🦾