بايك BJ30.. تقدم في مصر لاول مرة عالميا خارج الصين

مينفعش نعمل مقارنة بين بايك BJ30 و جيتور T2 المتنافسين إلا بعد ما يتم طرح الأخيرة الاسبوع الجاي، لأن عامل السعر هو أساس المقارنة ، وبما ان لسة أسبوع فنتكلم اليوم عن العربية الأحدث في السوق المصري واللي بيتم تقديمها في مصر كأول سوق في العالم خارج الصين.

في مشكلة عامة في العربيات الصينية ، وهي عدم اتساق الحجم مع حجم وقوة الموتور ، وبالتالي كان وجود التوربو حل للمشكلة دي، بس من أضرارها الاستهلاك الكبير جدا في استهلاك البنزين، والنماذج كتير ومعروفة للجميع. ف فكرة طرح بايك BJ30 هايبريد بوجود موتور كهرباء جنب موتور البنزين يحل معضلة استهلاك الوقود بشكل نهائي، وده طبعا لازم يسمّع في السعر، الكلام ان "تفويلة" التانك تمشيك ألف كيلومتر، طبعا ده حسب الاختبارات المعملية ، زود عليها نسبة 25% نسبة الاختبارات الواقعية يعني "التفولية" تمشيك 750 كيلومتر ، وده رقم ممتاز لو اتحقق.

 ملحوظة عندي دراسة عن الفرق بين الاستهلاك حنشرها قريبا

بايك BJ30 هي أحدث انتاج لشركة بيجين ، تم الكشف عنها في معرض بكين للسيارات في ابريل اللي فات ، وتم طرحها في 5 فئات متنوعة ، بمحرك Ice ونسخ HEV النسخة الـIce بمحرك 1.5 لتر وقوة 156حصان وعزم 235 نيوتن.متر 

اما بايك BJ30 النسخة الـHEV بتيجي بثلاثة مواتير واحد بنزين واثنين كهرباء بقوة اجمالية 404 حصان وبعزم اجمالي 685 نيوتن.متر وتسارع من السكون الى 100 كم في 6.59 ثانية ، ودي برضه تم تقديمها في مصر.

الطول 4730 مم مع قاعدة عجلات 2820 مم ومساحة تخزين 1496 لتر ، مع جنوط 19 وارتفاع عن الأرض 215 مم والفتيس Duel Clatch من 7 سرعات. العربية بتتقدم بضمان 7 سنوات او 200 الف كيلومتر