قصة كوبرا مع السيد كريم نجار.. بدأت بـ"كرورنا" ولسة مكملة

مساء يوم 24 فبراير سنة 2019 بلغني السيد كريم نجار من برشلونة انه وقّع عقد الوكالة الحصرية لعلامة كوبرا 👌، وان وفد كيان ايجيبت حيبدأ فور عودتهم مصر في التجهيز لاطلاق العلامة.

👀كوبرا مش علامة عادية ، كوبرا بتخاطب عميل مميز شوية، فعندهم اهتمام بتفاصيل دقيقة جدا ، وتجهيز أي صالة عرض في العالم عليه علامة كوبرا لازم يتم استيراد كل"تفصيلة" من اسبانيا وان الـ CIبيتنفذ "بحذافيره".

وبعد اختيار موقع صالة العرض في وصلة دهشور في الشيخ زايد وبدء أعمال الديكور ضربت جائحة كورونا🤢 العالم وبعد سنة ونص لمّا رجعت الحياة لطبيعتها اكتشفوا مشكلات سلاسل التوريد🤕 ، شوية ودخلت أزمة الرقائق الالكترونية😎 ، ولمّا اتحلت بدأت الأزمة الروسية الأوكرانية🤦

طبعا حضرتك ممكن تكون بتضحك على كم الأزمات المتوالية، لكن ودي كلمة حق أقولها، ان السيد كريم نجار ظل متمسك بالتفاؤل أزمة ورا التانية، لغاية ما قرّر انه يعلن عن الوكالة بعد 4 سنين ، وتحديدا في سنة 2023🫣

أيوة .. بالظبط كده

بعد🔥 التعويم وحوكمة الاستيراد🔥

وخلال سنة "اتفتح" فيها الـ ACID Number كذا مرة‼️قدرت علامة كوبرا انها تحقق مبيعات 1362وحدة ، وده رقم كبير بالنظر الى سعر العربية واستهداف فئة خاصة جدا.

👈مش كده وبس، كوبرا عندها في 2025 تحدي كبير، عندهم موديلات جديدة وليها عملا كتير منتظرينها، التحدي حيكون في قدرتهم على استيراد الكميات المطلوبة، ماهو كوبرا مطلوبة في العالم كله ، ومش كل وكيل بيطلب عدد عربيات محدد بيتم توفيره.

كونسبت كوبرا ليه قبول كبير ، أداء رياضي غير معتاد مع تصميم خاص ومميز، اسم كوبرا "شيك" ،ألوانها، شخصيتها ، وده سر نجاحها.♨️

امس وخلال تقديم كوبرا ليون الجديدة، كانت الرسالة ان الجاي شكله مختلف وان كوبرا في 2025 بصمتها حتكون "علّمت" في السوق المصري.. مبروك للسيد كريم نجار بعد صبر سنين ومبروك للصديق المقاتل جوزيف منير ولكل فريق عمل كوبرا في مصر