شيفروليه أوبترا وجيلي اميجراند .. السوق مبيرحمش حد‼️

🔺مبدئيا شهور 2024 كوم وشهر ديسمبر كوم تاني خالص، لأن كما جرت العادة، مع ارتفاع سعر الدولار 💲واتجاهه الى ارتفاع اكتر بيكون في هجمة ضخمة على الشرا ، احنا بنتكلم على 2.5 جنيه زيادة في سعر الدولار في نوفمبر وبداية ديسمبر، فلو شهر ديسمبر قفل 14 الف وحدة مبيعات، تعرف ان يناير وفبراير حتزيد فيهم المبيعات بمعدل 18 الى 20 ألف عربية في الشهر.

محصلش زيادة مبيعات في ديسمبر👀 فده معناه ان التوقعات بزيادة المبيعات في 2025بنسبة 30% غالبا مش حتكون في محلها ، ومش حتحصّل في رأيي 7%.

خلينا متفائلين😃

في يناير عندنا 3 عربيات تجميع محلي نازلين، بروتون ساجا وشيفروليه اوبترا وجيلي امجراند..

طيب خلينا نقسم السوق لشرائح سعرية

👈الفئة الاقتصادية : من 650 إلى 850 ألف جنيه

دي حتنزل فيها بروتون ساجا حتنافس كلا من BYD F3 ونيسان صني وهيونداي أكسنت وشيري أريزو 5، والأربعة دول واخدين حصة 11.1% من اجمالي مبيعات السوق. بروتون لو أخدت اول سنة 2% بس حتكون بداية ناجحة جدا، واعتقدت حتاخدها وفي الغالب على حساب F3 ⚡

👈الفئة تحت المتوسطة : من 900 الى مليون و100 ألف جنيه

شيفروليه اوبترا وجيلي اميجراند حينافسوا في الفئة دي وتحديدا مع نيسان سينترا وهيونداي AD بنتكلم عن عربيات سيدان CKD نازلة تنافس اخواتها مش SUV.

سنترا و ADحصتهم تقريبا 4.5% (بافتراض مبيعات ADبنفس الوتيرة) ، ومش حيسيبوا حاجة تقع منهم🚫 ،وهنا "عركة" كبيرة أوي ، المنصور 2% مش بتاعته خالص ،مش أقل من 4% في الطلعة الأولى🏴‍☠️، واوتوموبيلتي نازل بيقول انا كبير، يعني مش أقل من 2%.

🤔طب الزيادة في المبيعات حتيجي منين؟

حبة عملا طالعين من الفئة الاقتصادية على حبة حيدخلوا السوق جداد ، بس الأكثر والكثير حيكون على حساب "المستورد" اللّي حيعاني أوي السنة الجاية بسبب الـAcid Number.

طب على أي أساس حددت أسعار اوبترا واميجراند؟

يعني كل اللي فات توقعات جاي على دي وتسألني ايه؟ 😎توقعاتي برضه