ميني كانتري مان الجديدة .. لأول مرة من ألمانيا وكهربا كمان

في اعلان مدينتي من 3 سنين ظهرت جملة "الناس هنا شبه بعض والكوميونتي حلوة أوي" واللّي أثارت ضجة وقتها ، وكان المقصود منها ان مكان واحد بيجمع ناس بثقافة متشابهة.. الجملة دي في قطاع السيارات تقدر تقولها على حاجتين تحديدا ، "هارلي دافيدسون" و"ميني".
ميني عربية مش عادية شكلا ومضمونا ، ميني مجتمع لوحده ، أعضاؤه ملاك ميني ، ليهم طريقة تفكير ، ليهم استايل معين ، عندهم ولاء وارتباط بالعلامة ، وكانت مشكلة عملاء كتير لـ"ميني" حول العالم انهم مضطرين يغيّروا ميني بعربية تانية بعد فترة من الاستخدام ، والسبب كان حجم العربية ومتطلبات الزمن ، يعني مع وجود اولاد ، يبدأ التفكير في عربية عائلية تجمع الاسرة في سفرية ، في مشوار طويل وهكذا.
ومع اتجاه المستهلكين لفئة الـSUV ورغبات عملاء "ميني" في عربية عائلية ،بدأت BMW في ايجاد الحلول للمحافظة على عميل قديم وجذب عميل جديد ، فكانت النتيجة ميني كانتري مان، عربية خرجت من اطار الحجم الصغير الى الحجم العائلي ، وفي نفس الوقت فضلت محافظة على الـDNA الخاص بـ"ميني".

إقرأ أيضا للكاتب اسلام حويلة :

دولارات رأس الحكمة وأسعار السيارات.. "اللّي اتلسع من الشوربة"

شركة جلوبال اوتو وكيل BMW و MINI حتتقدم الجيل الثالث من ميني كانتري مان رسميا في مصر الثلاثاء المقبل وهي اول MINI صنعت في ألمانيا ، وتحديدا في مصنع BMW في لايبزيغ.
محرك أقوى ، الحجم أكبر ، استدراك تفاصيل مكنتش موجودة في الجيل السابق ، وكمان نسخة كهربائية بالكامل ، وتقريبا كل المواد المستخدمة فيها صديقة للبيئة.
يعني كانتري مان منها العادية والS والهايبريد والكهربا.. وفيها الفور ويل والJCW.. لكن أيه حيتقدم الثلاثاء؟
ده اللي حنعرفه وقتها 
بالمناسبة.. ميني ليها يوم وطنى " National Mini Day" حيتعمل السنادي في 9 يونيو المقبل ، وده تجمع سنوي لملاك ميني في المملكة المتحدة سعر التذكرة حوالي 17 جنيه استرليني للفرد ، و 45 لاسرة من 4 افرادط