اسلام حويلة يكتب : القواعد الـ7 قبل ما تشتري مرسيدس EQE SUV
![اسلام حويلة واختبار EQE SUV اسلام حويلة واختبار EQE SUV](https://media.marchdair.com/2024/5/large/17511326383552202405241054145414.jpg)
اسلام حويلة واختبار EQE SUV
فكرة السيارات الكهربائية لسة جديدة علينا في مصر، حتى لو بقالها 3 سنين بتيجي من بره، لكن في النهاية عددها محدود جدا جدا مقارنة بمحركات الـICE اللي عددها في مصر يتجاوزالـ12 ميليون عربية، مرسيدس بنز ايجيبت قررت انها تطرح مجموعة من موديلاتها الكهربائية في مصر وتقدم مجموعة من الباقات للعملاء منها مثلا تركيب شاحن منزلي وغيرها كتير.
مكتب مرسيدس مشكورا وجه الدعوة لـ"مارشدير" لاجراء اختبار قيادة لمرسيدس EQE SUV الجديدة في مصر وكانت الحروف التالية ابرز ملاحظاتنا
![](https://media.marchdair.com/ArticleUpload/2024\5\24\EQE SUV (9)_1751_110937.jpeg)
1 : متنزلش وسط البلد
أحيانا بتحتاج"تركن" حاجات عشان تعرف تمشي ،منها مثلا فرامل الطوارئ ،انت متخيل انك تنسى "توقفها" وانت في وسط البلد، ده معناه انك حتلاقي فرملة عنيفة حصلت ونتيجتها ان الشارع كله يبص عليك وانت ذات نفسك دمك هرب وانت معتقد انك خبطت حد، بس ده في المرة الأولى بس، صدقنى حتاخد عليها بعد كده.
![](https://media.marchdair.com/ArticleUpload/2024\5\24\EQE SUV (5)_1751_110944.jpeg)
2 : ح تتاخد ردار
صعب جدا انك تظبط الكروز كنترول كل شوية، يعني من شارع لطريق لبطىء لسريع، أكيد حتنسى، والأغلب كمان حتنسى انك تجاوزت السرعة المحددة وح تتاخد رادار، اصلا مش ح تحس أبدا بالسرعة الا لمّا تشوف العداد غيركده انسى ،نظام التعليق وثبات واتزان وعزل العربية حالفين بالطلاق تتاخد رادار.
![](https://media.marchdair.com/ArticleUpload/2024\5\24\EQE SUV (7)_1751_110955.jpeg)
3 : ح تطلع شقاوة قديمة
فكرة التسارع في العربيات الكهربا مذهلة،وكل ما زاد العزم والقوة كان التسارع أقوى، ده من وضع السكون توصل الـ100 في اقل من 5 ثواني، لكن مع "الكيك داون" وانت ماشي على 100 حاجة تانية خالص ، 408 حصان بقى حترجع شباب وتطلّع الشقاوة القديمة.
![](https://media.marchdair.com/ArticleUpload/2024\5\24\EQE SUV (6)_1751_111007.jpeg)
4: تطبيق Mercedes Me مش شغّال
تطبيق Mercedes Me مش شغّال في أغلب الشرق الأوسط ممكن بس في ابوظبي ودبي، فكرة ان عربيتك تتحرك من الجراش لغاية عندك وانك تسيبها تركن "هي عارفة طريقها" واتصالك بأجهزة بيتك والاوامر الصوتية وكل الحركات دي تشوفها وانت في مصر ع اليوتيوب .. غير كده لأ.
![](https://media.marchdair.com/ArticleUpload/2024\5\24\EQE SUV (4)_1751_111019.jpeg)
5 : الحقيقة أحلى من الصورة
لمّا تشوف صورة لـEQE SUV من جوه ح تنبهر، لكن صدقنى ح تنبهر أكتر لو شفتها ع الطبيعة وبالذات لو في مكان مظلم ، النجوم والليد والشاشة وعلامة مرسيدس انت في سينما، الـ MBUX Hyperscreenمرعبة.
![](https://media.marchdair.com/ArticleUpload/2024\5\24\EQE SUV (8)_1751_111029.jpeg)
6 : مش حتحتاج شحن سريع
مدى بطارية EQE SUV الرسمي 598 كيلومتر ،لكن ده في الجنة، ع الأرض ممكن توصل لـ500 كيلومتر ،وده مدى كبير جدا في الزمن ده، ممكن مع الوقت يبقى "مالوش عازة" تكنولوجيا البطاريات في تطور سريع جدا ، لكن في الوقت الحالي ده ممتاز، ومش ح تحتاج انك تشحن سريع، مرسيدس بتركب لك وحدة شحن منزلي AC مجانا ،ولا يفضل اصلا انك تشحن سريع حفاظا على عمر البطارية.
![](https://media.marchdair.com/ArticleUpload/2024\5\24\EQE SUV (10)_1751_111040.jpeg)
7 : ظهرك مش ح يوجعك
دايما حتكون مسمتع وانت سايق ، في زحمة او طرق سريع، مسافة قصيرة او طويلة، لان كراسي العربية مش عادية ،الكرسي حيتظبط على ظهرك و ح "يحضنك" تقدر تظبط كل اتجاه بحيث تكون مرتاح جدا، طبعا تدفئة ومساج باوضاع متعددة، في منقي للهواء يعني مش بس راحة.. وانتعاش كمان.
![](https://media.marchdair.com/ArticleUpload/2024\5\24\EQE SUV (2)_1751_111050.jpeg)
بالمناسبة .. مرسيدس EQE SUV بتنزل في فئة واحد بسعر 5 مليون و400 الف جنيه ، ضمان 10 سنين او250 الف كيلومتر ع البطارية مع خدمة متكاملة صالحة لمدة 6 سنوات وعدد غير محدود من الكيلومتر
أخبار متعلقة
اسلام حويلة يكتب : الوكلاء والموزعين.. مين تحت ضرس مين؟
17 مايو 2024 09:45 م
اسلام حويلة يكتب : الوكلاء والموزعين.. في المكسب "أخويا وحبيبي وكفاءة"
18 مايو 2024 08:24 م
اسلام حويلة يكتب : الوكلاء والموزعين.. رينو وAGC تجديد شبكة التوزيع
20 مايو 2024 04:41 م
![مارشدير مارشدير](/images/Logo.png)
اسعار ومواصفات السيارات
البحث حسب الميزانية
![مارشدير مارشدير](/images/Logo.png)
البحث حسب الميزانية
البحث حسب الموديل
الأكثر مشاهدة
أخبار ذات صلة
15 سيارة ستتوقف عن الانتاج في عام 2025
26 يونيو 2024 06:36 م
تقرير : المغرب يتوقع تحقيق صادرات قياسية من السيارات في 2024
25 يونيو 2024 03:40 م
تقرير : "فورمولا 1" و"أمازون" تكشفان عن روبوت الذكاء الاصطناعي "ستات بوت"
25 يونيو 2024 03:35 م
تقرير : بكين تسعى لإلغاء التعريفات الأوروبية على السيارات الكهربائية
25 يونيو 2024 02:54 م
العودة للأعلى
أكثر الكلمات انتشاراً