اسلام حويلة يكتب :

فولكسفاجن جولف 8 في مصر بمحرك 1.4.. آخر "مكنة" بنزين

اسلام حويلة مع جولف 1

واحدة من أبرز العربيات المعروضة في باريس موتور شو كانت فولكسفاجن جولف 1 ، أو الجيل الأول من العربية الشهيرة جدا ، بداية عربيات جولف كانت سنة 1974 بموديل MK1 واللّي تم انتاجها لتعويض ايقاف انتاج العربية الأشهر في التاريخ .. "بيتل".

جولف وعلى مدار 8 أجيال باعت أكثر من 35 مليون وحدة حول العالم ، عربية منها البنزين والديزل والهايبريد وأخيرا الكهربا ، عربية هاتشباك شبابية، بيتم انتاجها في مصنع فولكسفاجن في فولسبورج المقر الرئيسي للشركة مساحة المصنع 5 آلاف متر مربع ، وهو أكبر مصنع سيارات على وجه الأرض.

الجيل الثامن والأحدث ظهر سنة 2020 ومازال مستمر حتى الآن لكن بمناسبة الاحتفال بـ50 سنة جولف ظهر الفيس ليفت ليها ، بعد ما تم تلافي بعض العيوب اللّي ظهرت مع الوقت. ، ويمكن حتلاقي ناس كتير جدا بتقول عليها جولف 8.5 يعني الجيل الثامن ونص.

فولكسفاجن جولف عربية هاتشباك مثالية، تنفع لأي شخص يروح بيها الشغل، لأي زوجة توصل اولادها للمدرسة ، لأي ولد أو بنت في الجامعة ، ينفع تجري بيها، ينفع تمشي باعتدال، تاخد غرز برضه ينفع، عايزها استيشن ، عايزها R عايزها GTI كله ماشي.

يكفي انك تعرف ان شركات العربيات في العالم كله عملت موديلات عشان تنافس جولف ، بس حتى اللحظة مفيش حاجة قدرت تعدي الجولف. وغالبا حيكون الجيل ده آخر عهد الجولف بمحركات الاحتراق الداخلي "Ice" ، جولف 9 حتنزل بس كهربا.

طب انا بتكلم ليه عن جولف؟

أولا لأني متصور معاها زي ما انتوا شايفين في الصورة ، أما تاني حاجة ف الشركة المصرية واوتوموتيف وكيل فولكسفاجن في مصر نازلة بجولف 8 وبمحرك 1.4 لتر