تقرير تراخيص ديسمبر: دولار اطلع.. مبيعات تكتر.. وجيتور T2 عاملة "عظمة"

تراخيص ديسمبر حوالي 15 ألف ترخيص ملاكي، يعني آخر شهر في سنة 2024 جه في الترتيب الثالث في التراخيص بعد يوليو وأغسطس.

طيب الأداء عامل ايه؟

• اجمالا مفيش تغيير، علامة شيري ركبت الترتيب بـ1581 وحدة وهيونداي نزلت المركز التاني بـ1541 وحدة والباقي زي ماهو تقريبا يعني مفيش تغيير في ترتيب العلامات .. لكن في ملاحظات مهمة جدا..

• علامة جيتور تراخيصها 464 عربية، الـT2 عاملة " عظمة" رخّصت 194 وحدة، ودي عربية اتهاجمت ياما، وكلام عن محركها الضعيف، والحق يا جدع في الخليج عاملة ايه، وشوف يا عرباوي بيجيبوا مواتير كسر.. وبلا بلا بلا.. ، لكن النتيجة انها بتتباع بأوفر برايس 150 ألف جنيه و عليها طلب كبير ، وكنت قلت قبل طرحها في مصر انها مهمة جدا، لأنها بتظهر أهمية "التصميم" في قرار شراء العربية.

إقرأ أيضا للكاتب اسلام حويلة : 

منافسة ايه .. ان كان موزعين دول همّا موزعين "دوكهم" !!
 

• علامة اكسبنج رخّصت 54 وحدة، منهم 45 من موديل G9 ، مش عارف ان كان ده اتفاق مع جهة ما ولّا بيع مباشر للجمهور.. أصلها تفرق كتير جدا ، لو للجمهور، فده معناه ان سوق العربيات الكهرباء حيتطور سريعا جدا، ومهّد الطريق لعلامات تانية جاية في السكة وأولهم زيكر.

• علامة جيلي رخّصت 184 وحدة، ويبدو ان تأثير "منافسة" الوكيلين بدأ يظهر ، كول راي رخّصت 98 وحدة، ودي من أفضل العربيات "بصراحة"، واتقتلت بسبب وجود وكيلين وماتقدمتش للسوق بشكل يناسبها نهائيا.

إقرأ أيضا للكاتب اسلام حويلة : 

الأوروبي الأول في 2024 والصيني حيكتسح في2025.. والكهربا في 2030
 

• علامة بايك رخّصت 101 وحدة ، بدون BJ30 لأنه في الغالب الموزعين وصالات العرض مستلموش عربيات في ديسمبر، برضه الرقم العجيب والغريب لـ U5 مثير للتساؤل 15 وحدة.. عربية بالسعر ده والامكانات دي ازاي ترخّص الرقم ده؟

      ملهاش أي تفسير إلا لو مفيش عربيات منها

نكمّل بكرة ملاحظاتنا "الكتير" على التقرير.. علامة ..علامة

• بالمناسبة.. مجموعة عز العرب في طريقها للاعلان عن وكالة سيارات جديدة من الصين، حتتجمّع SKD في مصنع عز السويدي، العلامة الصينية تتبع شركة كبرى لها عدة علامات متواجدة في مصر.
•