اسلام حويلة يكتب :

هل الوكلاء حيقدروا يوصلوا للأرقام دي في 2025 ؟ .. وسوزوكي سويفت الجديدة ع الباب

سوزوكي سويفت الجديدة

في 5 شركات مستحوذة على 21 علامة، مجموعة غبور عندها 4 علامات (هيونداي- شيري – هافال- شانجان) ومجموعة المنصور 4 علامات حتى الآن (شيفروليه – اوبل –بيجو – MG) ، مجموعة كيان ايجيبت 5 علامات (فولكسفاجن- سكودا- سيات-كوبرا-أودي) ومجموعة EIM (رينو- كيا- بايك- زيكر) ومجموعة القصراوي 4 علامات (ستروين – جيتور- KGM - jac)

فنشوف كل مجموعة استحوذت على نسبة كام من السوق كعلامات مش بيع، لاني عارف زي ما انتوا عارفين ان مبيعات الاستيراد الشخصي والمبادرة وذوي الهمم كبيرة جدا وكله داخل في كله في تقرير التراخيص.

أرقام تراخيص سنة 2024 بتقول ايه ومين عمل ايه؟

👈مجموع تراخيص الملاكي (زيرو) في سنة 2024 تقريبا 146 ألف عربية :

👈مجموعة غبور علاماتها رخّصت حوالي 29260 وحدة، بنسبة 20%.

👈مجموعة المنصور للسيارات علاماتها رخّصت تقريبا 17243 عربية بنسبة 11.8%، ده ملاكي بس في حوالي 16 ألف عربية نقل (شيفروليه + ايسوزو) مالناش دعوة بيهم يا موهي.

👈مجموعة كيان ايجيبت علاماتها رخّصت حوالي 16377 عربية بنسبة 11.2%

👈مجموعة EIM علاماتها رخّصت حوالي 12636 عربية- زيكر مش في الحسبة- بنسبة 8.6%

👈مجموعة القصراوي رخّصت علاماتها حوالي 8345 عربية بنسبة 5.7%.

أيوة بس برضه الحسبة مش كده ؟

إقرأ أيضا للكاتب اسلام حويلة :

انك لـ"ميت" وانهم لـ"ميتون" شعار الشركات في 2025..وبروتون ساجا بـ650 ألف جنيه

طب تعالى نشوفها من زاوية تانية 👀 بعد قرارات حوكمة الاستيراد الشخصي وعربيات ذوي الهمم، اللي حيدخل السوق في 2025 لا يمثل 10% من حجم اللي دخل في 2023 و2024، وده معناه فجوة كبيرة جدا في حجم السوق.

👈المفترض والطبيعي ان التوكيلات تملى الفجوة دي، على الأقل يحافظوا ع الأرقام دي في 2025 مع الوضع زيادة حجم السوق ، لأن المواطن اللي استورد عربية في النهاية هو اشترى عربية يثق في اسمها وانتشارها في مصر، عارف انه حيلاقي قطع الغيار في كل مكان، وعارف كويس انه لما يبيعها حيلاقي زبون على طول.. يعني الأساس هنا العلامة🆗

‼يعني هل الوكلاء حيقدروا يوصلوا للنسب أو الأرقام دي‼