اسلام حويلة يكتب :
توكيل صيني جديد نازل.. كله عايز تجميع محلي .. و بكرة تقديم شيري EQ7
شيري EQ7
في الصين شركات السيارات زي الرز ، التوكيلات على قفا من يشيل، لكن الشركات الحكومية بتبقى ليها استقرار وثبات وتاريخ، غير الشركات الخاصة ،غالبا بتعلن افلاسها، مش بيكمل غير برضه اللي ليهم تاريخ زي جيلي و BYD كده.
ففكرة ان توكيل صيني جديد نازل مبقتش مهمة ،إلا لو كان الوكيل المصري اسم كبير في السوق وليه تاريخ معروف وعنده توكيلات متنوعة سواء عربيات ركوب او اوتوبيسات وشوية محركات تانية..
الوكالة الجديدة منتهية تماما، المسألة بس في الوقت وانهاء الاجراءات ، والهدف منها التجميع المحلي وبسرعة، ويبدو ان ما يحدث في السوق والمنتظر حدوثه خلّى شركات السيارات تحاول تلحق تتواجد في التجميع عشان الفترة القادمة لسوق السيارات في مصر.
الوكيل الجديد كالعادة تكتم شديد جدا في الحصول على الوكالة، وناس كتير حتستغرب وقت الاعلان عنها ، لأن الوكيل الحالي بالفعل يمتلك توكيل صيني "طازة" بالإضافة لتوكيل اوروبي وآخر اسيوي.
وده خبر يخيلنا نتأكد ان مستقبل السوق حيكون أغلبه تجميع والقليل منه استيراد، وان مشكلة الاستيراد مش حتكون مسألة وقت وتنتهي.
وبعيدا عن الوكالة الجديدة ، شركة أبوغالي موتورز جددت شراكتها مع جيلي أوتو الصنية كوكيل في مصر.. ألف مبروك لابوغالي موتورز.
بالمناسبة.. غدا شيري EQ7 الكهربائية حتتقدم بشكل رسمي في مصر في فئة وحيدة، مدى 512 كيلومتر عملي وكويس، لكن دايما يظل السعر عامل أساسي في المعادلة.. لان تسعير العربية دي حيتوقف عليه حاجات كتير في السوق.
أخبار متعلقة
اسلام حويلة يكتب : قراءة في حال سوق السيارات الفترة الجاية
16 أغسطس 2024 03:18 م
اسلام حويلة يكتب عن فيراري : احنا مش بـ"نكسب".. احنا بـ"نغرف"
22 أغسطس 2024 01:26 م
اسلام حويلة يكتب عن أسعار السيارات :"العميل هو السيّد" والعبث سيد الموقف
24 أغسطس 2024 01:52 م
اسعار ومواصفات السيارات
البحث حسب الميزانية
البحث حسب الميزانية
البحث حسب الموديل
الأكثر مشاهدة
أخبار ذات صلة
جيلي .. اللّي فات حمادة واللّي جاي حمادة تاني
13 سبتمبر 2024 05:07 م
كورولا حتفضل كورولا... ملاحظات من واقع تقرير الـAmic
06 سبتمبر 2024 03:37 م
اسلام حويلة يكتب : حتصنّع ليك مكان.. مش حتصنّع شوف مجال تاني
05 سبتمبر 2024 05:49 م
اسلام حويلة يكتب : فولكسفاجن ح تقفل مصانعها في ألمانيا ..الصين ح تركّع الكل
03 سبتمبر 2024 03:55 م
العودة للأعلى
أكثر الكلمات انتشاراً